२ माघ, काठमाडौं । नेपाल सरकारले भारत र अमेरिकाकाे राजदूतका लागि कांग्रेसका दीपकुमार उपाध्याय र एमालेका अर्जुन कार्कीकाे नाम सिफारिस गरेको छ ।
मन्त्रिपरिषदको शुक्रबारको बैठकले भारतको राजदूतका लागि कांग्रेस नेता दीपकुमार उपाध्याय र अमेरिकाका राजदूतका लागि एमालेका डा. अर्जुनकुमार कार्कीलाई सिफारिस गर्ने निर्णय गरेको हाे ।
भारत र अमेरिकासहित १० देशमा लामो समयदेखि राजदूत खाली भए पनि कांग्रेस एमालेवीच भागबण्डा नमिलेका कारण नियुक्ति हुन सकेको थिएन ।
भारतको राजदूतमा सिफारिस भएका उपाध्याय कांग्रेस केन्द्रीय सदस्य तथा पूर्वअर्थ राज्यमन्त्री हुन् । उनी गत संविधानसभा निर्वाचनमा कपिलबस्तु १ बाट एमालेका बलराम अधिकारीसँग पराजित भएका थिए ।
त्यस्तै अमेरिकाको राजदूतमा सिफारिस भएका कार्की आइएनजीओकर्मी हुन् । उनको संस्था आरआरएनले देशभरि विभिन्न कार्यक्रम सञ्चालन गरिरहेको छ ।
संसदीय सुुनुवाइ विशेष समितिबाट अनुमोदन भएपछि राष्ट्रपतिले उनीहरुलाई राजदूत नियुक्त गर्नेछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4