९ माघ, भक्तपुर । उद्योग मन्त्री महेश बस्नेतले एक महिनापछि नयाँ संविधान जारी हुने दाबी गरेका छन् ।
एकीकृत नेकपा माओवादी र मधेसवादी दलको अवरोधका कारण माघ ८ मै संविधान जारी गर्न नसके पनि निराश भैहाल्ने अवस्था नरहेको उनले बताए ।
‘दुईचार दिन अवरोध पुर्याउँदैमा संविधान ल्याउन कसैले रोक्न सक्दैन,’ गैरसरकारी संस्था महासंघ भक्तपुरको पाँचौं जिल्ला अधिवेशन एवम् १२ औं वार्षिक साधारणसभा उदघाटन समारोहलाई शुक्रबार सम्वोधन गर्दै उनले भने, ‘एक महिना ढिलै भए पनि संविधान आउँछ ।’