१३ माघ, एजेन्सी। स्पेनमा लडाकू जेट विमान दुर्घटना हुँदा १० जनाको मृत्यु भएको छ । दुर्घटनामा १३ जना घाइते छन् । घाइते मध्ये ६ जनाको अवस्था गम्भीर छ ।
सैन्य अधिकारीहरुका अनुसार ग्रीक एफ १६ नामक विमान अर्को विमानसँग ठोक्किँदा १० जनाको मृत्यु भएको हो । मृतकमध्ये २ जना चालक दलका सदस्य छन् ।
चालकको गल्तीका कारण विमान दुर्घटना भएको स्थानीय सन्चार माध्यमहरुले जनाएका छन् ।
स्पेनको रक्षा मन्त्रालयका अधिकारीहरुका अनुसार दुर्घटनामा मृत्यु हुनेमध्ये धेरैजसो विदेशी नागरिक छन् । सो विमान नेटो सैनिकले अभ्यासको लागि प्रयोग गरेका थिए ।
तस्वीर : एजेन्सी
