+
+

जीमेललाई अमेजन र आउटलुकको चुनौती

अनलाइनखबर अनलाइनखबर
२०७१ माघ १८ गते ८:३०


gmail vs outlook
इमेल सेवामा एकछत्र राज गरिरहेको गुगलको ‘जीमेल’लाई चुनौती दिनेगरी यसैसाता एमेजन र माइक्रोसफ्टले बेग्लाबेग्लै घोषणा गरेका छन् ।

अमेजनले कर्पोरेट क्षेत्रका ग्राहकलाई लक्षित गर्दै इमेल सेवा थाल्ने घोषणा गरेको छ । ‘वर्कमेल’ नाम दिइएको यो इमेल सेवामा आफ्ना सहकर्मीवीच क्यालेन्डर सेयर गर्न तथा सुरक्षित मेल आदानप्रदानका लागि निकै उपयोगी हुने छ ।

अमेजनको क्लाउड कम्प्युटिङ युनिटले ल्याउन लागेको यो सेवाका लागि मासिक ४ अमेरिकी डलरबाट मूल्य सुरु हुने छ ।

यसैगरी माइक्रोसफ्टले शुक्रबारमात्रै आउटलुक मोबाइल एप्स सार्वजनिक गरेको छ । एन्ड्रोइड र एप्पल स्टोरमा उपलब्ध यो एप्सले गुगल मेललाई सिधा चुनौती दिने छ ।

सत्य नादेला माइक्रोसफ्टको प्रमुख कार्यकारी अधिकृत भएपछि उनले कम्पनीको प्राथमिकतालाई कम्प्युटरबाट मोबाइलमा सिफ्ट गरेका छन् । यसको परिणाम हो- अन्य प्लेटर्फमममा पनि आउटलुकलाई उपलब्ध गराउनु ।

आउटलुक एप्समा अन्य प्रतिस्पर्धी इमेल सेवाको एप्समा भन्दा केही रोचक र नयाँ बिशेषताहरु थपिएका छन् । ‘माइक्रोसफ्ट आउटलुक प्रिभ्यु‘ नाम दिइएको यो एप्समा फोकस्ड इमेल सेवा, क्यालेन्डर सेयर, ड्रपबक्स, वन ड्राइभ र गुगल ड्राइभबाट सहज अट्याचमेन्ट लगायतका सुबिधा रहेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?