विकासराज न्यौपाने
टेक्सस । मलाई अमेरिका यहीँ, मलाई जापान पनि यहीँ बोलको गीतबाट लोकसंगीत प्रेमीको मन जितेका गायक पशुपति शर्मा यतिबेला अमेरिका भ्रमणमा छन् ।
अनौठो संयोग, अमेरिकाभन्दा गाउँमै भैसी पाल्नुमा आनन्द छ भन्ने सन्देश दिन शर्मा यतिबेला अमेरिकाका बिभिन्न शहरमा यही गीत गाएर नेपाली दर्शकलाई मनोरञ्जन दिइरहेका छन् ।
हालै अमेरिकाको टेक्सासमा भएको कार्यक्रममा पशुपतिले यस्तै गीतमार्फत् स्थानीय नेपालीलाई नचाए ।
नेपालमा सरसफाई दुत नियुक्त भएका हाँस्य कलाकार जोडी धुर्मुस र सुन्तली (सिताराम कट्टेल र कुञ्जना घिमिरे) ले पनि पशुपतिको साथमा दर्शकलाई हँसाए । टोलीमा रहेका गायक प्रमोद खरेल र गायिका संगीता थापा मगरले पनि गीत संगीतमार्फत् दर्शकलाई मनोरञ्जन दिए ।
कार्यक्रममा नेपालवाट गएका कलाकारलाई सम्मानपत्र प्रदान गरिएको थियो । नेपाली समाज टेक्ससको आयोजनामा भएको कार्यक्रममा समाजका अध्यक्ष भुवन आचार्यले अतिथीलाई सम्मान प्रदान गरेका थिए ।
नेपाली समाज टेक्ससका महासचिव विजयराज भट्टराईले औपचारिक रुपमा सुरु गरेको उक्त कार्यक्रमको समन्वय बुद्धि रेग्मीले गरेका थिए । समाजका इभेन्ट उपाध्यक्ष यमुना भट्टराईले स्वागत मन्तव्य दिएकी थिईन् ।
प्रतिक्रिया 4