२०८३ असोज ८ गते ६:१५ 
News Summary
Generated by OK AI. Editorially reviewed.- २०औं एसियाली खेलकुदअन्तर्गत पुरुष क्रिकेट आज जापानको आइचीस्थित कोरोगी स्पोर्ट्स पार्कमा अफगानिस्तान–जापान र हङकङ–मलेसिया खेलसँगै शुरू भएको छ।
- नेपालको पहिलो खेल भोलि शुक्रबार बिहान पौने ११ बजे अफगानिस्तानसँग हुनेछ।
- नेपाल समूह ‘ए’ मा अफगानिस्तान र जापानसँग छ, र कम्तीमा एक खेल जिते क्वाटरफाइनल पुग्ने सम्भावना बलियो हुनेछ।
८ असोज, काठमाडौं । २०औं एसियाली खेलकुद अन्तर्गत पुरुष क्रिकेटतर्फका खेलहरू आजदेखि सुरु भएका छन् ।
जापानको आइचीस्थित निशिनमा रहेको कोरोगी स्पोर्ट्स पार्कमा सञ्चालन हुने पुरुष क्रिकेटतर्फ आज दुई खेल छन् ।
पहिलो खेल समूह ‘ए’ अन्तर्गत बिहान पौने ६ बजेदेखि अफगानिस्तान र जापानको बीचमा छ । दोस्रो खेल पौने ११ बजेदेखि समूह ‘बी’ मा रहेका हङकङ र मलेसियाबीच हुनेछ ।
प्रतियोगितामा नेपालको खेल भने भोलि शुक्रबार रहेको छ । नेपाल र अफगानिस्तानबीच शुक्रबार बिहान पौने ११ बजेदेखि खेल सुरु हुनेछ ।
नेपाल समूह ‘ए’ मा अफगानिस्तान र जापानसँग रहेको छ । समूहमा तीन टोली रहेकाले नेपालले कम्तीमा एक खेल जित्न सके क्वाटरफाइनलमा पुग्ने सम्भावना बलियो हुनेछ ।
क्वाटरफाइनलमा पुगे नेपालले भारत वा श्रीलंकामध्ये एक टोलीको सामना गर्ने छ । यसअघिको एसियन गेम्समा पनि नेपाल क्वाटरफाइनलमा भारतसँग पराजित भएको थियो ।
प्रतिक्रिया 4