११ वैशाख, काठमाडौं । पछिल्लो दिनमा नेपाली युवा युवतीहरुमा ट्याटु मोह बढ्दो छ । शुक्रबारबाट राजधानीमा सुरु भएको नेपाल ट्याटु कन्भेन्सनमा युवा युवतीहरुको सहभागिताले त्यही भन्छ ।
होटल याक एण्ड यतीमा सुरु भएको महोत्सवमा पुगेका युवा युवतीहरु शरीरका विभिन्न अंगमा विभिन्न आकृतिका ट्याटु बनाइरहेका थिए । निकै पीडा हुने भएपनि उनीहरुमा एक प्रकारको खुसी देखिन्थ्यो ।
विदेशीहरुको पनि बाक्लो उपस्थिति थियो । उनीहरु शरीरका विभिन्न स्थानमा बुद्ध, गणेश लगायतका भगवानको आकृति बनाउन चाहन्थे ।
महोसत्व तीन दिनसम्म चल्नेछ । महोसत्वमा नेपालसहितका २० देशका १५० भन्दा बढी ट्याटु कलाकार छन् ।
तस्वीरः श्रीधर पौडेल/अनलाइनखबर
