२६ जेठ, रौतहट । जिल्ला अदालत रौतहटले मानव बेचबिखन तथा ओसारपसारमा पक्राउ परेका दुई आरोपीलाई सोमबार पुर्पक्षका लागि कारागार चलान गर्ने आदेश दिएको छ ।
जिल्ला अदालत रौतहटका ५ नम्बर न्यायाधीश श्रीप्रकाश उप्रेतीको एकल इजलासले रौतहट सदरमुकाम गौरमा रहेको राजु होटल सञ्चालन गर्दै आएका राजु दुलाल र निजकी श्रीमती तारा दुलालले एक महिलालाई वेश्यावृत्तिमा लगाएको आरोपमा कारागार चलान गर्ने आदेश दिएको हो । प्रहरीले उनीहरुलाई गत वैशाख २७ गते पक्राउ गरी कार्वाही प्रक्रिया अगाडि बढाएको थियो ।
जिल्ला प्रहरी कार्यालयले सो मुद्दाका विषयमा अनुसन्धान गरी जिल्ला सरकारी वकिलको कार्यालयमार्फत जिल्ला अदालतमा बुझाएपछि भएको थुनछेक बहसमा पुर्पक्षका लागि कारागार चलान गर्ने आदेश भएको हो । प्रहरीले अभियुक्तसहित ट्रक चालक कृष्णनन्दन साह र अर्का एक प्रतिवादी बनाए तापनि आरोपी हालसम्म फरार रहेको जिल्ला प्रहरी कार्यालयले जनाएको छ । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4