टेक्सास । युनाइटेड नेवा: यूएसएको आयोजनामा शनिवार टेक्सासमा दोस्रो सामूहिक इही कार्यक्रम सम्पन्न भएको छ । हरेक २ वर्षमा युनाइटेड नेवा: यूएसएले सामूहिक इही कार्यक्रम गर्दै अएको छ ।
बाल्टिमोरबाट आएका नेवा: पुरोहित भाजु बाशव राजोपध्यद्वारा पूजा तथा इहीको सम्पन्न भएको थियो । सो कार्यक्रममा ५ जना कन्याहरुको इही नेपाल सांस्कृतिक तथा अध्यात्मिक केन्द्र अर्विंगको भवनमा भएको थियो ।
सो कार्यक्रममा धिमे बाजा बजाएर सबै सहभागी कन्याहरु र परिवारहरूलाई भवनमा स्वागत गरिएको थियो ।
कार्यक्रमको स्वागत भाषण युनाइटेड नेवा: यूएसए मिसा पूच: को तर्फ़बाट मयजु कमला शाक्यबाट कार्यक्रम सुरु भएको थियो । बिहान ७ बजेदेखि सुरु भएको कार्यक्रम यू स्ट्रिममार्फत विश्वभर रहेका सहभागी परिवारका सदस्यहरू यो कार्यक्रम हेरेर रमाएका थिए ।
संस्थाका सल्लाहकार भाजु डा. सन्जिब श्रेष्ठद्वारा सम्पूर्ण सहभागीलाई प्रमाणपत्र वितरण गर्नुका साथै नेपाली समाज टेक्सासका महासचिव भाजु विजय भट्टराईले हाम्रो नेपाली संस्कृतिबारे थप जानकारी पाएकोमा धेरै खुसी ब्यक्त गरे ।
– विकास राज न्यौपाने
