२१ असार, भैरहवा । भारतबाट भन्सार छली नेपाल भित्राउन लागिएको कुखुराका चल्ला सशस्त्र प्रहरी बल राजस्व तथा भन्सार सुरक्षा गुल्म भैरहवाले बरामद गरी नष्ट गरेको छ ।
गुल्मका गुल्मपति डिएसपी कमल तिमिल्सीना कमाण्डको गस्ती टोलीले रुपन्देहीको पटखौली इलाकाबाट ४ हजार ७२५ वटा अवैध बोइलर चल्ला बरामद गरी नष्ट गरेको हो ।
बरामद चल्ला बजार मूल्य अनुसार ३ लाख ३० हजार बढी रुपैयाँको रहेको गुल्मका गुल्मपति डिएसपी तिमिल्सीनाले बताए ।
बरामद गरिएको अवैध चल्ला पशु क्वारेन्टाइन प्रतिनिधि, पत्रकार लगायतको उपस्थितिमा नष्ट गरिएको हो ।
