मुम्बई । आर्थिक रुपमा कमजोर भएकाहरुका लागि सस्तो चेन हल सञ्चालन गर्ने तयारीमा रहेका अभिनेता सलमान खान आफ्नो फिल्म ‘बजरंगी भाइजान’ लाई उत्तर प्रदेशमा ट्याक्स फ्री गराउन सफल भएका छन् ।
गएको हप्ता सलमानले आफ्नो फिल्मलाई ट्याक्स फ्री गर्नुपर्ने माग गरेका थिए । सलमानको आग्रह स्वीकार गर्दै उत्तर प्रदेश मुख्यमन्त्री अखिलेश यादबले ट्याक्स फ्री गर्ने घोषणा गरेका हुन् ।
यस चलचित्रलाई सलमानले पाकिस्तान र भारतका प्रधानमन्त्रीलाई हेर्न आग्रह समेत गरेका छन् । अहिले भारतमा प्रदर्शन भइरहेको यस चलचित्रले पहिलो साता १०२.६ करोड रुपैयाँ कारोवार गरेको थियो । एकसय करोड क्लबमा प्रवेश गरेको सलमानको यो आठौं चलचित्र हो ।