१५ साउन, काठमाडौं । संविधानको प्रारम्भीक मस्यौदामा जनताले दिएको सुझावबारे सहमति जुटाउन शीर्ष नेताहरुसँग दोस्रो तहका नेताहरु सक्रिय भएका छन् ।
संवैधानिक राजनीतिक सम्वाद तथा सहमति समितिले मस्यौदामा थपघट गर्ने अधिकारसहित उच्चस्तरीय समिति गठन गरेको थियो ।
समितिले दोस्रो तहका नेताहरुको सहयोगी कार्यदल बनाएको छ ।
कार्यदलान कांग्रेसका रमेश लेखक, एमालेका भीम रावल, एमाओवादीका रेखा शर्मा, साना दलका प्रेमबहादुर सिंह लगायत छन् ।
दुबै समितिको बैठक अहिले सिंहदरवारमा छुट्टा-छुट्टै बसिरहेको छ ।
