कविराज कार्की
३१ साउन, गमगढी । अधिकार सम्पन्न कर्णाली स्वायत्त प्रदेशको माग गर्दै आन्दोलनरत दलहरूले आइतबार मलामी जुलुस निकालेका छन् ।
एक सातादेखि आन्दोलन गर्दा समेत सुनुवाइ नभएको भन्दै शीर्ष नेताहरुको मलामी जुलुस निकालेका हुन् । २४ गते देखिको लगातारको बन्दले मुगु जिल्लाको जनजीवन निकै कष्टकर बनेको छ ।
आन्दोलन सुरु भएदेखि नै सडक मार्ग र हवार्इमार्ग समेत ठप्प हुदा अत्यावसेक वस्तु र विरामी समेतलार्इ जिल्ला बाहिर लैजान कठिन भएको छ ।
यातायात बन्दका कारण एसएलसी पुरक परीक्षाका उत्तर पुस्तिका समेत गमगढीमै थन्किएका छन् ।
