मनै बहलाउने यी हुन् बिश्वका २० गाउँ

अनलाइनखबर

२०७२ भदौ ६ गते १८:५६ मा प्रकाशित

६ भदौ, काठमाडौं । वायूप्रदुषण र ध्वनिप्रदुषणबाट मुक्त यस्तो शान्त ठाउँ होस, जहाँ मानिसहरु हतारमा नहुन् । जहाँ केटाकेटीहरु होमवर्कको चिन्ता नगरी खोला किनारमा स्वच्छन्द खेलुन्, उफ्रिउन् । जहाँ प्रभावतमा चराहरुको चिरबिर र रातमा ताराहरुको चम्चम्लाई कसैले व्यवधान हाल्न नसकोस् । जीवन कुनै कञ्चन झरना जस्तो बगिरहेको होस् ।

शहरीया जीवनबाट वाक्कदिक्क भएर पनि शहरमै बसेका मानिसहरुमा यदि तपाईं पनि पर्नुहुन्छ भने यस्तो स्थानको परिकल्पना तपाईंको मनमस्तिष्कमा पक्कै आउँदा हुन् । यी तस्बिरमा देखिएका गाउँहरु तपाईंको कल्पनासित मिल्दाजुल्दा हुन सक्छन् । फरक-फरक देशका यी गाउँमा पुग्न सम्भव छैन भने पनि तस्बिरहरु हेरेर केहिबेर मन बहलाउनुस् ।