२९ भदौ, भैरहवा । रुपन्देहीको बेथरीमा आन्दोलनकारी संयुक्त तराई लोकतान्त्रिक मोर्चाका कार्यकर्ता र प्रहरीबीच झडप भएको छ ।
भैरहवा लुम्बिनी सडकखण्डको बेथरीमा आन्दोलनकारीले रोकेर राखेका सवारीलाई स्कटिङ गरी सञ्चालन गर्ने तयारी गरिरहेका बेला दुई पक्षबीच झडप भएको हो ।
झडपका क्रममा प्रहरीले केही राउन्ड हवाई फायर गरेको छ भने केही सेल अश्रुग्यास प्रहार गरेको रुपन्देहीका प्रमुख जिल्ला अधिकारी विष्णुप्रसाद ढकालले जानकारी दिए ।
लुम्बिनीको औद्योगिक क्षेत्रतर्फ जाँदै गरेका मालबाहक सवारीसाधनलाई आन्दोलनकारीले बेथरीमा रोकेर राखेका थिए ।