निमुसंगम घर्ती
१० असोज, घोराही । इलाका प्रहरी कार्यालय तुलसिपुरले २ थान चितुवाको छालासहित चार जनालाई नियन्त्रणमा लिएको छ ।
बा १२ प १४७८ नम्वरको मारुती सुजुकी कारलाई तुलसिपुर ५ वीरेन्द्र चोकमा सादा पोशाकका प्रहरीले जाँच गर्दा पछाडिको सिटमा झोलामा राखेको २ थान चितुवाको छाला बरामद भएको प्रहरीले जानकारी दिएको छ ।
कारमा सवार सल्यान सिद्धेश्वरी ९ का ३३ वर्षीय शोभाराम कवर, शारदा नगरपालीका १ श्रीनगर का २८ वर्षीय नविन श्रेष्ठ, जिमाली २ बस्ने ३० वर्षीय तिलकराज बोहरा र बाँके कम्दी ९ बस्ने २८ वर्षीय झकबिर परियारलाई पनि नियन्त्रणमा लिएको इलाका प्रहरी कार्यालय तुलसिपुरका प्रमुख डिएसपी कृष्ण प्रसाईंले जानकारी दिए ।
बरामद गरिएको चितुवाको छालासहित पक्राउ परेकाहरुलाई आवश्यक कारवाहीको लागि धनौरी ईलाका वन कार्यालय तुलसीपुरको जिम्मा लगाइएको छ ।
