टोक्यो । जापानमा रहेका नेपालीहरुले टोकियोस्थित भारतीय दूताबासमा ज्ञापन पत्र बुझाउने भएका छन् । नेपालमा संविधान जारी भएसँगै तराइ मधेस क्षेत्रमा भएको आन्दोलन र नेपालतर्फको निकासीमा गरेको अवरोधप्रति गैरआवासीय नेपालीको ध्यानाकर्षण भएकोले राजदूतमार्फत ज्ञापनपत्र बुझाउन लागिएको हो ।
भारतीय प्रधानमन्त्री नरेन्द्र मोदिलाई सम्बोधन गरिएको ज्ञापनपत्रमा आन्दोलनले ठूलो आर्थिक क्षती पुगेको र संकटको यस घडिमा भारतको सकारात्मक सहयोग अपेक्षित भएको उल्लेख छ ।
साथै तरार्इ मधेसका मागहरु संविधान संशोधनमार्फत सम्बोधन गर्न सकिने भन्दै जापानमा रहेका नेपालीहरूको ज्ञापन पत्रमा भनिएको छ, संविधानसभामा रहेका सदस्यहरुको झण्डै ९० प्रतिशतले पारित गरेको यो संविधानलाई विश्वकै ठूलो प्रजातान्त्रिक मुलुक भएकाले मात्र हैन नेपालका हरेक सुख दुःखको साक्षी र सहयोगीसमेत भएकाले छिमेकी भारतले यसको निसर्त समर्थन गर्ने अपेक्षा गरिएको छ ।’
सार्वभौमिक सामानताका आधारमा बिश्वका प्रत्येक राष्ट्रहरु सामान रुपमा स्वतन्त्र छन् । भूपरिबेष्ठित राष्ट्रका आफ्नै बिशिष्ठ अधिकारहरु रहेको र प्रत्येक राष्ट्रले त्यसको सम्मान गर्नुपर्ने ज्ञापन पत्रमा स्मरण गराइएको छ ।
झण्डै ४५ हजारको संख्यामा रहेका नेपाली तथा तिनको प्रतिनिधित्व गर्ने गैरआवासीय नेपाली संघ जापान, जापानस्थित नेपाली जनसम्पर्क समिति, प्रबासि नेपालि संगठन, नेपाल जन प्रगतिशिल मोर्चा, नेपाल जनजाती महासंघ, नेपाल पत्रकार महासंघ, नेपाली व्यवसायी संगठन, नेपाली विद्यार्थी संघ लगायत ५० भन्दा बढि संस्थाहरुका तर्फबाट ज्ञापनपत्र बुझाउन लागिएको हो ।
अभियानका संयोजक तथा गैरआवासीय नेपाली संघ अन्तर्राष्ट्रिय समन्वय परिषदका उपाध्यक्ष भवन भट्टले बिश्वको ७० भन्दा बढि राष्ट्रमा रहेका नेपालLहरुलाई सम्बन्धित देशमा रहेका भारतीय दूताबास तथा अन्य नियोगहरुमा १ अक्टुबरका दिन ज्ञापनपत्र बुझाउन आह्वान समेत गरेका छन् ।
