२० कात्तिक, काठमाडौं । यदि तपाई आइफोन किन्दै हुनुहुन्छ भने खुशीको खबर छ । नेपालका लागि आइफोनको आधिकारिक बिक्रेता ‘ओलिज स्टोर’ले आइफोन ६ मा दिपावली हट सेल अफर ल्याएको छ ।
दिपावली अफरमा आइफोन ६ खरिद गर्दा ७ हजार रुपैयाँसम्म छुट पाइने ओलिज स्टोरका प्रबन्ध निर्देशक लोकेश ओलीले बताए । ओलिज स्टोरले ६४ जीबी र १२८ जीबी स्टोरेज भएको आइफोन ६ मा सेल अफर लागू गरेको हो ।
६४ जीबी स्टोरेज भएको आइफोन ६ को अधिकृत खुद्रा मूल्य ९० हजार रुपैयाँ रहेको छ । दिपावली सेल अफरमा ८३ हजार २ सय रुपैयाँ तिरेर खरिद गर्न सकिने ओलीले बताए ।
१२८ जीबी स्टोरेज भएको आइफोन ६ को अधिकतम खुद्रा मूल्य एक लाख रुपैयाँ रहेको छ । दिपावली सेल अफरमा कम्पनीले ९३ हजार २ सय रुपैयाँमा उपलब्ध गराएको छ ।
माथिको छुट मूल्यमा भ्याट समाहित गरिएको छ भने १ वर्षको वारेन्टी समेत प्राप्त हुने छ । साथै देशभर निःशुल्क डेलिभरीको सुविधासमेत रहेको उनले जानकारी दिए । दुईवटा मोडलमा मात्र लागू गरिएको दिपावली हट सेल अफर शुक्रबारदेखि नै सुरु भएको छ ।
दिपावली अफरमा लिमिटेड स्टकमात्र उपलब्ध रहेको ओलिजका प्रबन्ध निर्देशक ओलीले जानकारी दिए । बबहरमहलमा रहेको ओलिज स्टोर र कम्पनीको अनलाइनमार्फत अर्डर गरेर आइफोन किन्न सकिने छ ।
नेपालमा आइफोन ६ गोल्ड, ग्रे र सिल्भर कलरमा उपलब्ध छ । ठूलो स्क्रिन रहेको आइफोन ६ नेपाली उपभोक्तामाझ लोकप्रिय बनेको छ ।