+
+
Shares

हतियारसहित नेपाल प्रवेश गरेका एसएसबीलाई कारवाही नगरी छाडियो

गौरव पोखरेल गौरव पोखरेल
२०७२ मंसिर १३ गते १४:५०

SSB

  • फाइल तस्वीर

१३ मंसिर, झापा । हतियारसहित नेपाल प्रवेश गरेका भारतीय सीमा सुरक्षा बल (एसएसबी) का १३ जना जवानहरुलाई विना कारबाही छाडिएको छ । उनीहरुलाई ५ घण्टा नियन्त्रणमा लिएर छाडिएको हो ।

सहायक प्रमुख जिल्ला अधिकारी डमरुप्रसाद निरौलाले एसएसबी कमाण्डर बीबी नेगीको जिम्मा लगाएर उनीहरुलाई पठाइएको अनलाइनखबरलाई जानकारी दिए ।

झापाको केचनमा हतियारसहित नेपाल प्रवेश गरेका भारतीय सीमा सुरक्षा बल एसएसबीका १३ जवानलाई स्थानीयले घेरा हालेका थिए । लगतै प्रहरीले नियन्त्रणमा लिएको थियो ।

उनीहरुलाई नेपाली सुरक्षाकर्मीले छाड्न लागेको थाहा पाएपछि स्थानीयले केहीवेर नारावाजी पनि गरेका थिए । सुपारी तस्करीमा संलग्न समूहलाई पछ्याउँदै भूलवस नेपाली बस्तीमा प्रवेश गरेको उनीहरूले बताएका छन् ।

घटना भएको केचना भारतसँग सीमा जोडिएको झापाको दक्षिणपूर्वी सीमान्त गाविस हो । दुई दिनअघि सुपारी तस्करलाई लखेट्ने भन्दै सोही क्षेत्रमा सीमा नजिक एसएसबीले आधा दर्जन राउन्ड फायरसमेत गरेको स्थानीय बासिन्दा बताउँछन् ।

लेखक
गौरव पोखरेल

पोखरेल अनलाइनखबरका लागि राष्ट्रिय सुरक्षा एवं समसामयिक विषयमा रिपोर्टिङ गर्छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?