स्विम सुटमा ‘लिरिल फ्रेस फेस’का सुन्दरी, कसले जित्ला उपाधी ?(फोटो र भिडियोसहित)

‘लिरिल फ्रेस फेस’को उत्कृष्ट ५ मा परेका सुन्दरीको अनुहार बेग्लै खुशी थियो । हरेक हप्ता नयाँ नयाँ टाक्स पार गर्दै उनीहरु टप ५ मा छानिएका थिए । आइतबार बेलुकी साढे ७ बजे कान्तिपुर टेलिभिजनमा प्रशारण हुने ‘लिरिल फ्रेस फेस’बाट उनीहरुमध्ये एकले उपाधी जित्नेछिन् ।

हेर्नुहोस् स्विमिङ पूलमा गरिएको हट फोटोसुटको भिडियो

उपाधी जित्नेले मिडियामा चर्चा त पाउछन् नै व्यक्तित्व विकासमा पनि ठूलो सहयोग पुग्नेछ । उत्कृष्ट ५ मा पुग्नेहरुमा अलिसा श्रेष्ठ, प्रमिला थापा, सोनु गजुरेल, सप्रिना श्रेष्ठ र मनिषा परियार छानिएका छन् ।

काठमाण्डौको एक होटलमा अनलाइनखबरको टिम पुग्दा ५ जना सुन्दरीको फोटोसुट चलिरहेको थियो । स्विमसुटमा रहेका सुन्दरीले मंसिर १५ को जाडोलाई पनि प्रवाहा नगरि स्विमिङ पुलमा फोटोसुट गराइरहेका थिए ।

लिरिल फ्रेस फेसमा सहभागी भएपछि आफूहरुको आत्मविश्वास बढेको र अगाडि अझ धेरै काम गर्न सक्छौ भन्ने लागेको उनीहरुले प्रतिक्रिया दिए ।

यो प्रतिस्पर्धामा सहभागी हुनु अगाडि आफूहरुमा आत्मविश्वास कम थियो भन्दै उनीहरुले अहिले क्यामेरा फेसदेखि भिडमा आफ्नो कुरा निर्धक्क राख्न सक्ने भएका छौ भन्ने प्रतिक्रिया दिए ।

लिरिल फ्रेस फेसको यो तेश्रो सिजन हो । हरेक बर्ष छनोट हुने एक सुन्दरीले आफ्नो छुट्टै पहिचान बनाउन सफल भएकी छिन् । सामान्य यूवती एकाएक सेलिब्रेटी हुने भएकाले पनि यो प्रतियोगितामा सुन्दरीहरुको आकर्षण बढेको छ । उपाधी जित्नेले ५० हजार नगद प्राप्त गर्नेछिन् ।