२४ माघ, काठमाडौं । धनुषा बालाबाखर-४ का कांग्रेस नेता राजेन्द्र यादवको हत्याको सिआइबीले अनुसन्धान गर्ने भएको छ । स्थानिय प्रहरीले अनुसन्धान गरिरहे पनि घटनाको प्रकृति गम्भीर देखिएकाले अनुसन्धानको जिम्मा सिआइबीले लिएको हो ।
घटनाको अनुसन्धान गर्न आइतबार सिआइबीको अनुसन्धान टोली धनुषा गएको छ ।
स्थानीय कांग्रेस नेता यादवको शुक्रबार राति अज्ञात समूहले गोली हानेर हत्या गरेको थियो भने शनिबार अज्ञात समूहले हानेको गोली लागेर नसिम राई घाइते भएका छन् ।
गोली प्रहार गर्ने समूहको पहिचान हुन सकेको छैन । तर, सिआइबीले अनुसन्धान टोली पठाइसकेको र हत्यामा संलग्न व्यक्ति पनि कारवाहीको दायरामा आउने सिआइबी प्रमुख डिआइजी हेमन्त मल्लले बताए ।
जन्तिबाट फर्किएका यादवको शुक्रबार राति अज्ञात समूहले प्रहार गरेको २ गोली लागेर मृत्यु भएको थियो । उनी नेपाली कांग्रेसका स्थानीय नेता हुन् ।
प्रतिक्रिया 4