२२ चैत, काठमाडौं । संस्कृति, पर्यटन तथा नागरिक उड्डयनमन्त्री आनन्दप्रसाद पोखरेल र नेपालका लागि इजरायली राजदूत यारोन मायरबीच भेटवार्ता भएको छ ।
मन्त्रालयमा भएको भेटवार्तामा भूकम्पपश्चात नेपालको पर्यटनको अवस्था, संविधान कार्यान्वयन, पुनःनिर्माण र समसामयिक राजनीतिक बारेमा कुराकानी भएको थियो ।
मन्त्री पोखरेलले भूकम्पपश्चात पुनः निर्माणका काम भइरहेको र नेपाल सुरक्षित गन्तव्य भएकाले निर्धक्क भएर पर्यटकलाई नेपाल आउन सक्ने राजदूत मायरलाई अवगत गराए ।
राजदूत मायरले भूकम्पपछिको पुननिर्माण र समसामयिक राजनीतिक विषयमा चासो राखेका थिए ।
