दीपाश्री निरौलाले पहिलो पटक निर्देशन गरेको चलचित्र ‘छक्का पन्जा’ अन्ततः भदौको २४ गते रिलिज हुने भएको छ । दशैंमा रिलिज हुने भनेर चर्चा भएपनि लामो छलफल र बहसपछि यो चलचित्रको प्रदर्शन मिति भदौमा नै तोकिएको हो ।
निर्देशक निरौलाले चलचित्रको प्रदर्शन मिति तय भएको भन्दै अनलाइनखबरलाई जानकारी गराइन् । उनका अनुसार भदौमा रिलिज हुने चलचित्रको संख्या दर्जन बढी भएपनि यो चलचित्र भने सोलो रिलिज हुनेछ ।
दीपकराज गिरी, दीपाश्री निरौला र निर्मल शर्माले मिलेर बनाएको यो चलचित्रको छायांकन भने सकिएको छ । यो चलचित्र कुन दिन रिलिज हुन्छ भन्ने कौतुहलता र चर्चा चलचित्र वृत्तमा चलेको थियो ।
चलचित्रमा दीपकराज गिरी, प्रियंका कार्की, जितु नेपाल, शिवहरी पौडेल, केदार घिमिरे लगायतका कलाकारको मुख्य भूमिका छ ।
यसपटक चलचित्रले कस्तो बिषय उठाएको छ भन्ने खुलासा निर्माणपक्षले गरेको छैन । तर, यसअगाडि ‘६ एकान ६ र वडा नम्बर ६’ बनाएर सफलता पाइसकेकाले पनि यो जोडीको चलचित्र दर्शकका लागि प्रतिक्षामा हुने गरेको छ । काठमाण्डौ बाहिर चलचित्रलाई एफडी कम्पनीले वितरण गर्नेछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4