मलेसिया । मलेसियामा एक नेपालीको सुतेकै ठाउँमा ज्यान गएको छ । पन्चासे गाविस वडा न ३ पाछावाङ रोल्पा घर भई जोहोरमा कार्यरत २९ वर्षका लाल वहादुर वुढाको ज्यान गएको हो ।
दिन भरी डिउटी गरेर उनी सुतेका थिए । दिउसो उनी सुतेकै ठाउमा मृत भेटिएको साथी सुन्दर श्रेष्ठले जानकारी गराए ।
वुढा जोहोरको गेलनपत्तामा रहेको फलासटोनिक कम्पनीमा विगत सात वर्ष देखि कार्यरत रहेका थिए । मृतकको शवलाई पोसमार्टको लागि स्थानिय अस्पतालमा राखिएको छ ।
विवाहित वुढाको दुई छोरा र श्रीमती रहेको वुझिएको छ । वुढाको मृत्युको खवर घर सम्म पुरयाउन समस्या भएको श्रेष्ठले जानकारी दिए ।
उनको मृत्यु भएको खवर घर सम्म पुरयाउन सकेका छैनौ फेशवुकमा फोटो हालेर आफन्तहरु खोजीरहेका छौ अहिले सम्म कोहि पनि सम्पर्कमा आएका छैनन उनले भने ।
