२४ असार, काठमाडौं । नेपाल प्रहरी अस्पतालमा कार्यरत एसएसपी डा. महेशमान प्रधानविरुद्ध अख्तियारले झूठो विवरण पेश गरी जागिर खाएको आरोपमा विशेष अदालतमा मुद्दा दायर गरेको छ ।
२०५९ सालमा डिएसपीबाट प्रहरी अस्पतालमा प्रवेश गरेका एसएसपी प्रधानले आइएसी र बिएससीको प्रमाणपत्रमा जन्ममिति सच्याएको भेटिएपछि अख्तियारले अनुसन्धान गरेको थियो ।
अनुसन्धानको क्रममा झुठो विवरण पेश गरेर प्रहरी सेवामा प्रवेश गरेको भन्दै अख्तियारले प्रधानविरुद्ध अख्तियार दुरुपयोग अनुसन्धान शुक्रबार विशेष अदालतमा मुद्दा दायर गरेको हो ।
प्रहरी अस्पतालमा कार्यरत एसएसपी प्रधान अख्तियारले अनुसन्धान सुरु गरेलगत्तै विदामा बसेका छन् ।
