२० साउन, काठमाडौं । म्यानचेष्टर सिटीले १९ वर्षे ब्राजिलियनर विंगर गेब्रियल जिससलाई भित्र्याएको छ ।
जिससले पाँच वर्षे सम्झौता गरेका छन् । तर, यो सिजनको अन्त्यसम्म भने ब्राज्रिलियन क्लब पल्मिरासमै रहनेछन् ।
जिससलाई भित्र्याउन बार्सिलोनाले पनि चाहेको थियो । तर, उनले इंग्लिस क्लब म्यानचेष्टर सिटी रोजेका छन् । उनी दक्षिण अमेरिकाका युवा प्रतिभा हुन् । र, अहिले ओलम्पिकमा ब्राजिलियन टोलीका महत्वपूर्ण सदस्य छन् ।
उनले पल्मिरास्मा ६७ खेलबाट २६ गोल गरेका छन् । साथै यो सिजन ब्राजिलियन सिरि एमा टप गोल स्कोरर हुन् ।