एनएमबी माइक्रोफाइनान्सको २५प्रतिशत बोनस, साहाराको १५० प्रतिशत हकप्रद

२० भदौ, काठमाडौं । एनएमबी माइक्रोफाइनान्सले सेयरधनीलाई २५ प्रतिशत बोनस सेयर दिने प्रस्ताव गरेको छ । बैंकको आइतबार बसेको सञ्चालक समितिको बैठकले २५ प्रतिशत बोनस सेयर र त्यसको कर प्रयोजनका लागि १.३१ प्रतिशत नगद लाभांस दिने प्रस्ताव गरेको हो ।

सञ्चालक समितिको यो प्रस्ताव नियामक नेपाल राष्ट्र बैंक र कम्पनीकै आगामी साधारणसभाले अनुमति दिएपछि मात्रै वितरण गरिने छ ।

त्यसैगरी, सहारा विकास बैंकले डेढ सय प्रतिशत हकप्रद सेयर दिने भएको छ । बैंकले एक सेयर हुनेलाई १.५ को अनुपातमा हकप्रद दिने भएको हो । भदौ २२ गतेसम्म कम्पनीको सेयर किन्ने लगानीकर्ताले मात्रै हकप्रद सेयर पाउनेछन् ।