६ असोज, काडमाडौं । सिटिजन्स बैंक इन्टरनेसनल लिमिटेड र ओभरसिज रेमिट प्रालीबीच विप्रेषण भुक्तानी गर्नका लागि सम्झौता भएको छ ।
सम्झौतापत्रमा बैंकका सहायक प्रमुख कार्यकारी अधिकृत रामधन श्रेष्ठ र ओभरसिज रेमिटका तर्फवाट जापानी प्रतिनिधि निर्देशकद्वय भुषण घिमिरे र रोशन केसीले हस्ताक्षर गरे ।
नयाँ सम्झौता अनुसार जापानमा रहेका नेपालीले स्वदेशमा रहेका आफन्तहरूलाई ओभरसिज रेमिट प्राली मार्फत पठाएको रकम यस बैंकका सम्पूर्ण शाखाहरु तथा देशैभरि फैलिएर रहेका सहायक प्रतिनिधिहरुबाट छिटो, छरितो तथा भरपर्दो रुपमा भुक्तानी पाउन सक्नेछन् ।
यसअघि पनि बैंकले स्वदेशका विभिन्न विपे्रषण कम्पनीहरुसँग सहकार्य गरी आफ्नो सम्पूर्ण शाखाहरुबाट वेस्टर्न यूनियन, मनिग्राम, आइ.एम.ई, प्रभु मनी, हिमाल रेमिट, सिटी एक्सप्रेस, रिलायबल रेमिट, जे.एम.ई, नेपाल रेमिट, इजिलिङ्क, बेष्ट रेमिट, पृथ्वी एक्सप्रेस, सम्सारा, सेवा एक्सप्रेस, सिजी मनी, आइपे रिलायबल र बुम रेमिटबाट आएको विप्रेषण रकमको भुक्तानी गर्दै आइरहेको छ ।
यसको साथसाथै बैंकले निकट भविष्यमा अन्य विभिन्न मुलुकमा रहेको विभिन्न विप्रेषण कम्पनीहरुसँग सम्झौता गरी विप्रेषण सेवालाई विस्तार गर्दै लैजाने योजना राखेको छ ।