१ मंसिर, इलाम । नेकपा एमालेका वरिष्ठ नेता झलनाथ खनालले संविधान संशोधन आवश्यक नरहेको बताएका छन् । मधेस केन्द्रित दलहरुप्रति लक्षित गर्दै नेता खनालले कसैको आन्दोलनसँग संविधानको मूल्य, मान्यताको खरिद-बिक्री नहुनेसमेत बताए ।
प्रेस चौतारी इलामले बुधबार बिहान आयोजना गरेको पत्रकार भेटघाटमा उनले अहिले संविधान संशोधन नभइ कार्यान्वयनको आवश्यकता औंल्याए ।
अंगीकृत नागरिकता भएकालाई राष्ट्रप्रमुख बनाउन संविधान संशोधन गर्न लागिएको भन्दै उनले एमालेलाई त्यो मान्य नहुने बताए ।
उनले संविधान संशोधनको सट्टा कार्यान्वयनका लागि एकजुट हुन सबै दलहरुलाई आग्रह गरे ।
