४ मंसिर, काठमाडौं । मकवानपुरको भीमफेदीमा एउटा निजी सवारीसाधन दुर्घटनाग्रस्त भएको छ ।
सडकबाट गाडी भीरमा खसेको देखेपछि त्यहीँ रहेका राप्रपा नेपालका अध्यक्ष कमल थापा र उनका साथमा रहेका सुरक्षाकर्मीहरु तत्कालै उद्धारमा खटिएका छन् ।
बा ३ च ९२८९ नम्बरको निजी गाडी दुर्घटनामा परेको हो । दुर्घटनामा दुईको मृत्यु भएको छ भने तीन जना घाइते भएका छन् ।
दुर्घटनास्थलबाट रगताम्य घाइतेभएका व्यक्तिको उद्धार गरिँदै गरेको दृश्य देखिएको छ । 
तस्वीरः राजाराम बर्ताैला र टेकराज शाहीको फेसबुकबाट
