१७ मंसिर, काठमाडौं । महिला एसिया कप क्रिकेटमा भारतले नेपालसामू १२१ रनको लक्ष्य दिएको छ ।
नेपालले केहीबेरमा जवाफी ब्याटिङ गर्नेछ ।
बैंककमा टस हारेर पहिले ब्याटिङ गरेको भारतले निर्धारित २० ओभरमा ५ विकेट गुमाएर १२० रन बनायो । उसको सुरुवात औसत रहृयो ।
२० रन जोड्दा पहिलो विकेट गुमाएको भारतले एक समय ६९ रन जोड्दा ५ विकेट गुमाइसकेको थियो । तर, शिखा पाण्डे र हर्मनप्रित कौरले छैटौ विकेटका लागि अविजित ५१ रनको साझेदारी गरिन् । पाण्डे ३९ र कौर १४ रनमा अविजित रहिन् ।
नेपालकी रुविना क्षेत्रीले २ विकेट लिइन् भने करुणा भण्डारी र सीता राना मगरले एक एक विकेट लिए ।
