१२ पुस, काठमाडौं । नेपालले एएफसी एसियन कप छनोट खेल्न पाउने भएको छ । एसियाली फुटबल महासंघले छनोट खेल्न सोलिडारिटी कप च्याम्पियन नेपाललाई प्रस्ताव गरेको हो ।
एसियन कपमा छनोट भएको गुवानले प्रतियोगिताबाट नाम फिर्ता लिएको छ । र, एएफसीमा गुवामको स्थानमा नेपाललाई छनोट गरेको हो ।
एसियन कप छनोटको ड्र २३ जनवरी २०१७ मा हुनेछ । २४ देशबीच हुने छनौटबाट १२ टिमले २०१९ मा यूएईमा हुने प्रतियोगिता खेल्नेछन् ।
छनोट खेल्ने २४ देशलाई ६ समूहमा विभाजन गरिनेछ । र, समूहको शीर्ष स्थानमा रहने दुई टिम एसियन कपका लागि छनोट हुनेछन् ।
