काठमाडौंवासीका लागि गर्मी याममा चिसोमा रमाउन आसपासका डाँडा विशेष रोजाइमा पर्छ । अझ हिउँदको बेला फुसफुस झर्ने हिउँसँग खेल्न धेरै जना यिनै डाँडातिर लम्किने गर्छन् ।
यसमध्ये फूलचोकी डाँडा आकर्षक गन्तव्य हो । मंगलबारको हिमपातमा धेरै युवायुवती हिउँसँग खेल्दै सेल्फी खिच्नमा रमाए ।
उपत्यकाका अन्य डाँडाभन्दा सबैभन्दा अग्लो स्थानमा रहेको फूलचोकी खासगरी हाइकिङका लागि प्रख्यात छ । आकाश खुलेको बेला यो डाँडाबाट गौरीशंकर हिमाल तथा काठमाडौं उपत्यकाको अवलोकन गर्न सकिन्छ ।
