११ माघ, भरतपुर । चितवन मेडिकल कलेजका निर्देशक डा. हरिश न्यौपाने सवार गाडी अज्ञात समूहले सोमबार तोडफोड गरेको छ । अस्पताल परिसरमै बा १४ च ७५६४ नम्वरको ल्याण्ड क्रुजर गाडी अज्ञात समूहले तोडफोड गरेको हो ।
गाडीमा न्यौपाने र उनका चालक मात्रै थिए ।
दुई वटा मोटरसाइकलमा आएका चार जनाको समूह गाडी तोडफोड गरी फरार भएको प्रत्यक्षदर्शीले बताए । गाडी तोडफोड गर्नेहरुको खोजी कार्य भैरहेको चितवन प्रहरी प्रमुख एसपी दिपक थापाले जानकारी दिए ।
तोडफोडमा संलग्न सवार दुईवटामध्ये एक मोटरसाइकलको पहिचान भैसकेको प्रहरी प्रमुख थापाले जानकारी दिए । मोटरसाइकल नम्वरका आधारमा सम्वन्धित ब्यक्तिको खोजी थालिएको थापाको भनाई छ ।
न्यौपानेको गाडी तोडफोड गर्नुको कारणबारे थप अनुसन्धान भइरहेको एसपी थापाले जानकारी दिए ।
– सुवास पण्डितबाट
