प्रधानमन्त्री प्रचण्ड पोखरा र पर्वतको भ्रमणमा

१३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ विहीबार पोखरा र पर्वतको भ्रमणमा निस्केका छन् ।

पोखरामा बिहीबार सशस्त्र प्रहरीका नयाँ इन्स्पेक्टरहरुको ‘पास आउट’ हुँदैछ । सो कार्यक्रममा भाग लिन प्रधानमन्त्री बिवहीबार बिहानै हेलीकोप्टरबाट पोखरा लागेका हुन् ।

त्यसैगरी प्रधानमन्त्रीले बिहीबार नै पर्वत पुगेर त्यहाँ पर्वत महोत्सव उदघाटन गर्ने कार्यक्रम रहेको प्रधानमन्त्रीको निजी सचिवालयले अनलाइनखबरलाई बतायो ।

सबै राजनीतिक दलहरुलाई सहमतिमा ल्याएर निर्वाचन मिति घोषणा गर्ने तयारी गर्नुको साटो सभा समारोह उदघाटन कार्यक्रममा व्यस्त भएको भन्दै प्रचण्डको आलोचना भइरहेको छ ।