१४ फागुन, काठमाडौं । ओमनका लागि नेपाली राजदुतमा सिफारिस शर्मिला पराजुली ढकालले आफू कुनैपनि म्यानपावर व्यवसायमा संलग्न नरहेको दाबी गरेकी छन् ।
शनिबार रिपोर्टर्स क्लब नेपालमा पत्रकार सम्मेलन गरेर पराजुलीले राजदुत सिफारिश भए लगत्तै आफू म्यानपावर व्यवसायमा संलग्न भएको खबर सार्वजनिक भएको कुरामा कुनै सत्यता नभएको दाबी गरिन् । उनले भनिन्, ‘यो खबरले म अत्यन्तै मर्माहत भएकी छु, मेरो कुनै म्यानपावरमा संलग्नता छैन ।’
राजदूत सिफारिस प्रक्रिया सुरु हुनुअघिसम्म उनी फ्लोरिड हृयुमन रिसोर्स नामक म्यान पावरकी सञ्चालक थिइन् । हाल सो म्यानपावरको स्वामित्व परिवर्तन गरिएको छ ।
फ्लोरिड त्यही म्यानपावर हो, जसले आफूलाई ठगी गरेको भन्दै युएईबाट फर्किएर जनार्दन पौडेलले १२ वैशाख २०७१ मा विभागमा उजुरी दिएका थिए । छानविनका क्रममा शर्मिला पराजुलीको म्यानपावर दोषी देखिएको छ र, ३ लाख ५० हजार रुपैयाँ पीडितलाई क्षतिपूर्ति दिएको छ ।
शर्मिला सञ्चालक रहेको फ्लोरिडविरुद्ध विभागमा २४ वटा उजुरी दर्ता भएका छन् ।
(यो पनि पढ्नुहोस्: राजदूत शर्मिलाः अर्थात् ‘म्यानपावरवाली’ महामहिम !)
तर, पत्रकार सम्मेलनमा पराजुलीले आफ्नो व्यवसाय कस्मेटिक्सबाहेक अरु केही पनि नभएको जिकिर गरिन् । उनले भनिन्, ‘हाललाई म त्यो व्यवसायमा पनि छैन । अहिले म नितान्त रुपमा अध्ययन र समाजसेवामा समर्पित भएर लागेकी छु ।’
उनले आफूलाई मलेसियाबाट डिपोर्ट गरिएको भनेर समेत समाचार आएकोमा पनि खेद व्यक्त गरिन् । उनले भनिन्, ‘मेरो पासपोर्ट हेर्न सक्नुहुन्छ, यो गलत कुरा हो ।’
उनले आफूले कहिल्यैपनि व्यक्तिगत स्वार्थ र फाइदाको लागि काम नगर्ने वाचा गर्दै भनिन्,’म ओमनमा महिला दिदी बहीनीहरु धेरै हुनुहुन्छ, उहाँहरुको अभिभावकको रुपमा काम गर्नेछु, मनोवैज्ञानिक रुपमा उहाँहरुको समस्या नजिकबाट बुझ्ने काम गर्नेछु ।’
यो पनि पढ्नुहोस्