५ वैशाख, सिराहा । तीन साताअघि अपहरणमा परेका भारतीय नागरिक प्रदिप यादवलाई प्रहरीले सकुसल अपहरणमुक्त गरेको छ । साथै चार अपहरणकारी पक्राउ परेका छन् ।
सगरमाथा अञ्चल प्रहरी टोलीले लहान नगरपालिका १५ बाट मंगलबार यादवलाई अपहरणमुक्त गरेको हो । एसपी शेखर कोइरालाले यादव अपहरणमुक्त भएको पुष्टि गरे ।
यादव गत चैत २३ गते अपहरणमा परेका थिए ।
प्रहरीले अपहरणमा संलग्न ४ जनालाई नियन्त्रणमा लिएको छ । उनीहरुको परिचय भने प्रहरीले खुलाएको छैन । उनीहरुबारे थप अनुसन्धान भइरहेको एसपी कोइरालाले बताए ।
