१९ वैशाख, काठमाडौं । काठमाडौं महानगरपालिकाको उपमेयरमा राप्रपाले राजाराम श्रेष्ठलाई उम्मेदवार बनाएको छ ।
श्रेष्ठ शाहीकालका मेयर एवं पार्टीका पूर्वप्रवक्ता हुन् ।
नेकपा एमालेसँग चुनावी तालमेल भएपछि राप्रपाले श्रेष्ठलाई उपमेयर बनाएको हो । यसअघि श्रेष्ठ मेयरको उम्मेदवार बन्ने तयारीमा थिए । तर, मनोनयनको दिन एमाले र राप्रपाबीच काठमाडौं र ललितपुरमा चुनावी तालमेलको समझदारी भएको छ ।
मेयरमा एमालेले विद्यासुन्दर शाक्यलाई उम्मेदवार बनाएको छ ।
कांग्रेसले काठमाडौंको मेयरमा राजुराज जोशी र माओवादी केन्द्रले सवोत्तम डंगोललाई उम्मेदवार बनाएको छ ।
