काठमाडौंमा सोमबार तापक्रम ३२ डिग्री सेल्सियस पुगेको थियो । जल तथा मौसम विज्ञान विभागका अनुसार यो तापक्रम यो वर्षकै सबैभन्दा उच्च हो ।
काठमाडौंको गर्मीमा सर्वसाधारणहरु कोही पसिना पुछ्दै आफ्नो काममा हिँडिरहेका थिए भने कोही छाताले गर्मी छल्ने प्रयासमा थिए ।
गर्मीले सताइरहेका बेला केहीछिनमै मुसलधारे पानी दर्कियो । पानी परेपछि केही शितलता त भयो तर जलमग्न सडकमा सर्वसाधारणको विजोग भयो ।
विशेष गरी पैदलयात्रु रुज्दै गन्तव्य तिर जान बाध्य भए । पानी सडक पोखरी जस्तै बने । त्यसको मारमा पैदल यात्री र सवारीसाधनहरु समेत परे ।
तस्वीरमा हेरौं पानी परेपछि सोमबार दिउँसो पुतलीसडक लगायत स्थानका केही दृश्यहरु :
