५ असार, पोखरा । पोखराको आकाशमा सोमबार प्याराग्लाइडिङ दुर्घटना हुँदा एक जनाको ज्यान गएको छ ।
प्याराग्लाईडिङ सिक्ने क्रममा दुर्घटना हुँदा पोखरा लेखनाथ महानगरपालिका वडा नम्बर ३३ मा घर भएका २७ वर्षीय प्रभात सुवेदीको ज्यान गएको हो ।
ब्लू स्काई प्याराग्लाइडिङका विद्यार्थी सुवेदी प्याराग्लाईडिङ उडान गर्ने क्रममा फेवातालमा खसेका थिए ।
उनी रेस्क्यू डेभलपमेन्ट ट्रेनिङमा सहभागी भई उडान गर्ने क्रममा फेवातालमा खसेको र डुबेर मृत्यु भएको कास्की प्रहरीले जनाएको छ ।
तालमा डुवेका सुवेदीलाई तत्कालै उद्दार गरी पोखराको मेट्रोसिटी अस्पतालमा ल्याएपनि उनलाई चिकित्सकले मृतक घोषित गरेका थिए ।
मृतक सुवेदीको शव पश्चिमाञ्चल अस्पतालमा राखिएको छ । शव पोष्टमार्टम पछि आफन्तलाई बुझाईने कास्कीका प्रहरी प्रवक्ता प्रहरी नायव उपरीक्षक खड्गबहादुर खत्रीले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4