हेटौडामा आयोजना भएको ‘नवौ डी सिने अवार्ड’मा चलचित्र ‘छक्का पन्जा’ले सर्वाधिक धेरै ११ विधामा बाजी मारेको छ । यो चलचित्रबाट नायिका प्रियंका कार्कीले ‘उत्कृष्ट नायिका’को अवार्ड जितिन् । यस्तै, चलचित्र ‘जात्रा’बाट विपिन कार्कीले ‘उत्कृष्ट नायक’को अवार्ड जिते ।

हेटौडाको ओ म्याक्स हलमा आयोजना भएको कार्यक्रममा ‘छक्का पन्जा’ले उत्कृष्ट नायिका सहित, चलचित्र, नव–निर्देशक, हाँस्य कलाकार, खलपात्र, नृत्य निर्देशक, गायक, संगीतकार, संवाद, सम्पादन र छायांकारको अवार्ड जितेको हो ।

चलचित्र ‘तीन घुम्ती’लाई जुरी अवार्ड दिइएको अवार्डमा चलचित्र ‘जात्रा’का निर्देशक प्रदिप भट्टराई, चलचित्र ‘झुम्की’का कलाकार मनोज आरसी र चलचित्र ‘पुरानो डुङ्गा’की मुख्य कलाकार मेनुका प्रधानलाई क्रिटिक्स अवार्ड दिइएको थियो ।

यस्तै, बरिष्ठ संगीतकार शम्भुजित बास्कोटालाई ‘छायाँछवि लाइफटाइम लिजेन्ड्री अवार्ड’ प्रदान गरियो । यस्तै, ‘छायाँछवि चलचित्र पत्रकारिता पुरस्कार’बाट पत्रकार लक्ष्मण सुवेदीलाई ९ हजार ९ सय ९९ नगद राशीसहित पुरस्कृत गरियो । ‘छायाँछवि चलचित्रकर्मी रजत सम्मान’बाट अभिनेता सरोज खनाल र अभिनेत्री रुपा रानालाई सम्मानित गरिएको थियो ।

मोफसल बाहिर पनि चलचित्रको माहोल बढाउन र दर्शक र कलाकारविच प्रत्यक्ष संवाद गराउने उद्देश्यले अवार्ड हेटौडामा आयोजना गरिएको छायाँछवि क्रियशनका अध्यक्ष शान्तिप्रियले बताए ।
कार्यक्रममा विभिन्न कलाकारहरुको नृत्य प्रस्तुतीले माहोल तताएको थियो । कार्यक्रममा सहभागी हुन १ सय बढी चलचित्रकर्मी र पत्रकार हेटौडा पुगेका थिए । कसले कुन विधामा अवार्ड जिते, हामीले पूर्ण सूची यहाँ प्रस्तुत गरेका छौः