२ साउन, डडेल्धुरा । डडेल्धुरा र बैतडीको सिमानामा पर्ने सूर्नया नदीमा डुबेर बेपत्ता भएका राजबहादुर मल्ल ३ दिन पछि सोमबार मृत अवस्थामा फेला परेका छन् ।
गत शनिबार दिउँसो माछा मार्ने क्रममा नदीमा डुबेर बेपत्ता भएका डडेलधुराको अजयमेरु गाउँपालिका-६ राजुलका ३३ वर्षीय मल्लको शव ३ दिनपछि फेला परेको हो ।
माछा मार्ने क्रममा चिप्लिएर बेपत्ता नदीमा बेपत्ता भएका मल्लको शव बगेको स्थानबाट केही तल स्थानीयहरुले भेट्टाएको जिल्ला प्रहरी कार्यालय डडेल्धुराले जनाएको छ ।
