२७ साउन, कास्की । पोखरा लेखनाथ महानगरपालिका–२६ मा गएराति पहिरोले घर भत्काउँदा ३ जना घाइते भएका छन् । लेखनाथ बरालडाँडामा राति करीब २ः३० बजे पहिरो जाँदा कुलदीप बरालको घर भत्केर भाडामा बस्दै आएका एकै परिवारका ३ जना घाइते भएका हुन् ।
पहिरोमा परी वीरबहादुर लामा, उनकी श्रीमती जमुना लामा र छोरा अञ्जन लामा घाइते भएको कास्कीका प्रहरी प्रवक्ता प्रहरी नायव उपरिक्षक खड्कबहादुर खत्रीले जानकारी दिए । उनीहरुको मणिपाल शिक्षण अस्पताल पोखरामा उपचार भइरहेको छ । घाइते तीनै जनाको अवस्था मध्यम रहेको अस्पतालले जनाएको छ ।
झापा घर भएका लामा केही समयदेखि बरालको घर भाडामा लिएर बस्दै अाइरहेका थिए । घरधनी बराल भने केही समयअघि मात्रै नयाँ घरमा सरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4