२९ साउन, काठमाडौं । न्यूक्यासललाई हराउँदै इंग्लिस प्रिमियर लिग फुटबलमा टोटनहृयामले विजयी सुरुवात गरेको छ ।
आइतबार भएको खेलमा टोटनहृयामले न्यूक्यासललाई २-० ले हराएको हो ।
घरेलु मैदानमा भएको खेलमा न्यूक्यासलले भ्रमणकारी टोलीलाई पहिलो हाफमा बराबरीमा रोक्यो । तर, दोस्रो हाफको सुरुमा नै १० खेलाडीमा सिमित भयो । उसका शेल्भीले रातो कार्ड पाए ।
त्यसको फाइदा उठाउँदै टोटनहृयामका डेल अलीले ६१ औं मिनेटमा गोल गरे । ९ मिनेटपछि बेन डेभिसले गोल गर्दै जित सुनिश्चित गरे ।
२०१५/१६ को सिजन रेलिगेशनमा परेको न्यूक्यासलले लिगमा फर्किएपछिको पहिलो खेलमा टोटनहृयामलाई खासै दबाव दिन सकेन ।
