बुधबार, ६ मंसिर, २०७४
OnlineKhabar.com

राजपाको घोषणापत्रः दाइजो नलिर्इ विवाह गर्नेलाई २५ हजार, बलात्कारी कुट्न मार्शल आर्ट !

छुवाछुत गर्नेलाई कडा कारवाही, धर्मनिरपेक्षतामा प्रतिवद्धता

अनलाइनखबर

२३ भदौ, काठमाडौं । विशेष गरी एमाले नेताहरुले आफ्नो भाषणमा भन्ने गरेका थिए कि मधेसमा दलित र महिलामाथि चरम विभेद हुने गरेको छ । र, त्यस्ता विभेदका विषयमा मधेस केन्द्रित दलका नेताहरुले मौनता साँध्ने गरेका छन् । तर, यो आरोपलाई राजपाले हालै सार्वजनिक गरेको चुनावी घोषणापत्र मार्फत खण्डन गर्ने प्र्रयास गरेको छ ।

दुई नम्बर प्रदेशमा दलित समुदायको भोट करिब १५ प्रतिशतभन्दा बढी छ । त्यसैगरी मुस्लिमको भोट १७ प्रतिशतको हाराहारीमा छन् । महिलाको मत त पुरुषको आधाउधि हुने नै भयो । भोटको यो ‘प्याट्रन’लाई ध्यान दिने हो भने प्रदेश नम्बर दुईको चुनावमा श्रेष्ठता चाहने दलहरुले दलित, मुस्लिम र महिलालाई प्रभावमा पार्ने चुनावी एजेण्डा ल्याउनु उनीहरुको बाध्यता पनि हो ।

दाइजोविरोधी बिहे गर्नेलाई २५ हजार !

राजपाले सार्वजनिक गरेको घोषणापत्रमा महिला तथा वालवालिकाका पक्षमा विभिन्न १६ वटा बुँदाहरु प्रस्तुत गरिएका छन् । त्यसमा दाइजो प्रथालाई फौजदारी अपराधको दायरामा ल्याइने स्पष्ट रुपमा लेखिएको छ ।

दाइजोविरुद्ध अभियान चलाउन विनालेनदेन आदर्श विवाद गर्ने जोडीलाई २५ हजार सहायता प्रदान गर्ने राजपाको घोषणापत्रमा उल्लेख छ ।

महिलाविरुद्ध हुने हिंसाप्रति शून्य सहिष्णुताको नीति अपनाइने राजपाले आफ्नो घोषणापत्रमा उल्लेख गरेको छ । एकल तथा वृद्ध महिलाहरुको सामुहिक बसोबासको व्यवस्था गरिने राजपाले जनाएको छ ।

बालिकाहरुका लागि १२ कक्षासम्म निशुल्क र उच्च हिक्षामा छात्रवृत्तिको व्यवस्था गरिने घोषणापत्रमा उल्लेख छ ।

राजपाले दाइजो प्रथाको मात्रै विरोध गरेको छैन, लैंगिक आधारमा भू्रण पहिचान गरी भ्रूणहत्या गराउनेहरुलाई कठोर कानून लगाइने बताएको छ । महिलाविरुद्ध हुने ज्यादती र हिंसाविरुद्ध आत्मरक्षाका लागि विद्यालयमै मार्शल आर्ट सिकाउने प्रवन्ध गरिने राजपाको घोषणापत्रमा उल्लेख छ ।

धर्म निरपक्षेतामा अडान

मधेसकेन्दि्रत राजनीतिक दलहरुलाई धेरैले भारतपरस्त र अझ बीजेपीको हिन्दुवादसँग जोडेर हेर्ने गरेका छन् । तर, राजपाले आफ्नो घोषणापत्रमा स्पष्ट रुपमा धर्मनिरपेक्षताको पक्षमा अडान प्रस्तुत गरेको छ ।

राजपाले आफ्नो घोषणापत्रमा ‘मुस्लिम समुदायका मुद्दाहरु’ उपशीर्षक अन्तरगत ‘धर्म निरपेक्षतालाई व्यवहारमा कार्यान्वयन गर्न निरन्तर खबरदारी गर्ने’ भनिएको छ ।
त्यसैगरी स्थानीय तह, प्रदेश र केन्द्रीय स्तरमा सीमा निर्धाण गर्दा मुस्लिम बाहुल्य बस्तीको जनघनत्वलाई नबिगि्रने गरी मिलाइने राजपाले बताएको छ ।

न्यायिक निकायमा मुस्लिम समुदायको समानुपातिक प्रतिनिधत्वमा जोड दिइने राजपाले जनाएको छ । उच्च स्तरीय हज कमिटी गटन गरी छुट्टै हज भवन बनाउने राजपाले जनाएको छ ।

पार्टीभित्र छुवाछुत गर्नेलाई विभागीय कारवाही

राजपाले पार्टी भित्र वा बाहिर दलित समुदायमाथि छुवाछुतपूर्ण व्यवहार गर्ने नेता कार्यकर्तालाई विभागीय कारवाही गरिने प्रतिवद्धता जनाएको छ । उसले छुवाछुत मुक्त गाउँ, नगर र जिल्ला घोषणा गरिने प्रतिवद्धता जनाएको छ ।

दलित समुदायलाई निशुल्क स्वास्थ्य र शिक्षा उपलब्ध गराइने राजपाले आश्वासन दिएको छ ।

समाजिक सुरक्षा र विकासका एजेण्डा

राजपाले आफ्नो घोषणा पत्रमा सामाजिक सुरक्षा एवं सुधारका योजनाहरु अघि सारेको छ । उसले दलित, महिला, मुस्लिम र विपन्न समुदायमाथि राज्यले लोककल्याणकारी कार्यक्रमहरु लैजाने बताएको छ ।

सीमा क्षेत्रमा ५० हजारसम्मको मलखाद लगायतका अत्यावश्यक वस्तु लाने लैजाने कार्यमा भन्सार नलिइने राजको घोषणापत्रमा उल्लेख छ ।

राजपाले सेना र कर्मचारीतन्त्रमा जनसंख्याका आधारमा समानुपातिक समावेशी गराइने बताएको छ । उसले आफ्नो घोषणापत्रमा पूर्वाधार विकास, शहरीकरण, श्रमिक नीति, वैदेशिक रोजगार नीति, पर्यटन, भाषा साहित्य र संस्कृति लगायतका विषयमा आफ्नो पार्टीको धारणा अघि सारेको छ ।

त्यसैगरी राजपाले शिक्षा र स्वास्थ्य नीतिका साथै प्रेस स्वतन्त्रताको पक्षमा पनि प्रतिवद्धता जनाएको छ ।

लोडसेडिङ मुक्त मधेस, पोलपोलमा सोलार लाइट !

‘पार्टीका महत्वपूर्ण संकल्पहरु शीर्षकमा राजपाले मधेसलाई लोडसेडिङ मुक्त बनाउने र सडकका पोलहरुमा सोलार लाइड जडान गरिने बताएको छ ।

त्यसैगरी विदेशिएका युवालाई स्वदेशमा फर्काइने, बाढीको दीर्घकालीन समाधान खोजिने, प्रत्योक गाउँपालिकामा वाइफाइ र लाइब्रेरी बनाउने, सरकारी विद्यालयमा पौष्टिक आहारको व्यवस्था गर्ने, सिंचाइ र मलखादको व्यवस्था गर्ने, शिशुमृत्युदर घटाउने, प्रत्येक वडामा बर्थिङ सेन्टर खोल्ने, आदि प्रतिवद्धताहरु राजपाले जनाएको छ ।

२०७४ भदौ २३ गते १९:३४ मा प्रकाशित (२०७४ भदौ २४ गते १०:०२मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

४ प्रतिकृयाहरू प्राप्त
  • T. Tulachan लेख्नुहुन्छ    |   २०७४ भदौ २४ गते १:०४

    It is very good agendas of Ra.Ja.Pa party. We all Nepalese want this. We are Nepalese and must take care of Nepal and Nepalese but it could be a story unless you bring it into practice.

    We do hope you do not betray Nepal and go and bow to Lalu Yadhap in India again.

    10
    2
    Share

  • Suyog Khadka लेख्नुहुन्छ    |   २०७४ भदौ २४ गते ८:३४

    It is a really pleasant surprise,Very powerful social transformation agenda from RA.JA.PA.I wish you all the best.

    9
    1
    Share

  • asesh लेख्नुहुन्छ    |   २०७४ भदौ २५ गते १४:११

    lakh lakh lina chodera daijo naleko 25 hajar lincha hola ta?

    1
    0
    Share

  • बिजय कुमार श्रेष्ठ (बझाङ्ग) लेख्नुहुन्छ    |   २०७४ भदौ २५ गते २१:४९

    ढाँटेको निम्तो खाइ पत्याउनु भन्ने उखानको याद आयो मलाई त, राजपाको यो उधारो भनाईले । पहिलो कुरा, यस पार्टीले शहिद हुँदा ५० लाख दिने कुरा पूरा गरेको छैन, दोस्रो कुरा यो स्थानीय तह हो, यसले फौज्दारी अपराधमा सजाय दिने कानुन आफै बनाउन सक्दैन, तेस्रो कुरा राजपाको २५ हजार पाउनको लागी कसैले १ लाख २ लाख ५ लाख वा १० लाखको दाइजो त्याग्न सक्ला ?

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this