शनिबार, ७ असोज, २०७४
OnlineKhabar.com

५९२ सांसद अब ३९ दिनका पाहुना, भाइटीकाकै दिन भूतपूर्व हुने

अनलाइनखबर

२७ भदौ, काठमाडौं । व्यवस्थापिका संसदका सांसदहरुको कार्यकाल अब ३९ दिनमात्र बाँकी रहने भएको छ । कात्तिक ५ गते पहिलो चरणको चुनावको उम्मेदवार मनोनयनअघि नै अर्थात ४ गते नै अहिलेका सांसदहरु भूतपूर्व हुनेछन् ।

नेपालको संविधानको धारा २९६ मा रुपान्तरित व्यवस्थापिका संसदको कार्यकाल २०७४ माघ ७ गतेसम्म रहने भनेको छ । तर कार्यकाल पूरा हुनु अगावै प्रतिनिधिसभा निर्वाचन हुने भएमा त्यस्तो निर्वाचनका लागि उम्मेदवारको मनोनयनपत्र दाखिला गर्ने अघिल्लो दिनसम्म व्यवस्थापिका संसद कायम रहने संवैधानिक व्यवस्था छ ।

सोही व्यवस्था अनुसार कात्तिक ४ गतेबाट अहिलेका सांसदहरुको कार्यकाल समाप्त हुने संविधानविद समेत रहेका कांग्रेस सांसद राधेश्याम अधिकारीले बताए । मनोनयन कात्तिक ५ र १५ मा हुने भएकाले कुन मनोनयपत्र दाखिला गर्ने दिनलाई गन्ने भन्ने प्रश्न उठिरहेका बेला अधिकारीले यस्तो प्रतिक्रिया दिए ।

त्यसो त संविधानसभा अध्यक्ष समेत रहिसकेका एमाले संसदीय दलका उपनेता सुवास नेम्वाङले पनि कात्तिक ४ लाई नै व्यवस्थापिका संसदका सदस्यहरुको अन्तिम कार्यकाल मान्नुपर्ने बताए । ‘हुन त मेरो जिल्लामा मनोनयन कात्तिक १५ गते हुनेछ तर मेरो कार्यकाल पनि कात्तिक ४ मै सकिन्छ, यसमा दोहोरो मापदण्ड हुँदैन,’ नेम्वाङले भने ।

संयोगवश सांसदको कार्यकाल समाप्त हुने कात्तिक ४ गतेकै दिन हिन्दू धर्मावलम्बीहरुको ठूलो पर्व तिहारको भाइटीका परेको छ । व्यवस्थापिका संसदमा हाल ५९२ सांसद छन् । उनीहरु भाइटीकाकै दिन भूतपूर्व हुनेछन् ।

२०७४ भदौ २७ गते १५:४५ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

३ प्रतिकृयाहरू प्राप्त
  • shailendra लेख्नुहुन्छ    |   २०७४ भदौ २७ गते १६:१५

    आम नेपाली तथा हिन्दुहरुको महान चाडमा दाजु भाईहरु टाढा टाढा गएको हुन्छन र तेही दिन फर्कन नसक्ने अबस्था भएको हुंदा टिकाको भोलि पल्ट राखीएको मनोनयनको कार्यक्रम यथाशिघ्र संसोधन होस। यो आम नेपालीको भावनाको विपरीत छ।

    2
    12
    Share

  • saroj लेख्नुहुन्छ    |   २०७४ भदौ २७ गते १६:४८

    नेपालकाे संविधान
    भाग ८ संघिय व्यवस्थापिका
    धारा ९१ प्रतिनिधि सभाकाे सभामुख र उपसभामुख
    (६) देहायकाे कुनै अवस्थामा प्रतिनिधि सभाकाे सभामुख वा
    उपसभामुखकाे पद रिक्त हुनेछः–
    (क) निज प्रतिनिधि सभाकाे सदस्य नरहेमा,
    तर प्रतिनिधि सभा विधटन भएकाे अवस्थामा अाफ्नाे पदमा वहाल रहेका प्रतिनिधि सभाका सभामुख वा उपसभामुख प्रतिनिधि सभाका लागि हुने अर्काे निर्वाचनकाे उम्मेदवारी दाखिला गर्ने अघिल्लाे दिनसम्म अाफ्नाे पदमा वहाल रहनेछन् ।

    0
    0
    Share

  • Deuman लेख्नुहुन्छ    |   २०७४ भदौ २७ गते २०:०६

    Very good news….Rajaswa badne vo….

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this