१० असोज, दार्चुला । सरकारले माग पूरा नगरेको भन्दै नेपाल चिकित्सक संघले असोज ६ गतेदेखि अस्पतालहरुमा आकस्मिक बाहेकका सेवाहरु ठप्प पारे पनि दार्चुलाको गोकुलेश्वरमा भने आन्दोलनको कुनै प्रभाव परेको छैन ।
ओपीडी तथा आकस्मिक सेवा निर्वाध रुपमा सञ्चालन गरिएको अस्पताल व्यवस्थापन समितिका अध्यक्ष धनबहादुर विष्टले जानकारी दिए । मौसम परिवर्तनसँगै विरामीहरुको चाप बढिरहेका बेला स्वास्थ्य जस्तो संवेदनशील क्षेत्र बन्द गर्नु उचित नभएको भन्दै सबै सेवा निर्वाध रुपमा सञ्चालन गरिएको अस्पतालले जनाएको छ ।
उपचारको क्रममा बिरामीको मृत्यु भए त्यसको क्षतिपूर्ति स्वयं चिकित्सकले र्नै तिर्नुपर्ने निर्णय गरेपछि चिकित्सकहरु आन्दोलनमा उत्रिँदा आज पाँचौ दिन पनि देशभरका स्वास्थ्य संस्थामा आकस्मिक बाहेक सेवा ठप्प छन् ।
दार्चुला जिल्लाको गोकुलेश्वर अस्पताले आकस्मिक सेवाको टिकटसमेत निःशुल्क गरेको छ ।
