तिहारको खास परिकार हो, मिठाइ । त्यसबाहेक अन्य परिकार पनि बनाएर स्वाद फेर्न सकिन्छ । जस्तो, पनिर टिक्का । यो भेज, ननभेज दुवैलाई उपयोगी हुन्छ ।
कसरी बनाउने ?
– ३०० ग्राम पनिर, दुई टमाटर, १-१ भेडे खुर्सानी र प्याज (सबै ठूला टुक्रामा काटिएको)
– थोरै फ्रेस क्रिम
– थोरै हरियो धनिया (काटिएको)
मेरिनेसनका लागि
– आधा कप गाढा दही
– १-१ चियाचम्चा तन्दूरी मसला, रातो खुर्सानीको धुलो, चाट मसला र जिरा पाउडर
– १/४ चियाचम्चा हिङ
– १ टेबलचम्चा मकैको पिठो
– १ टेबलचम्चा तेल
– २ टेबलचम्चा हरियो धनियाँ
– एक चिम्टी अरेन्ज-रेड फुड कलर
– नुन (स्वादअनुसार)
ग्रेभीका लागि
– ६ टमाटर
– १ प्याज
– १ कली लसुन
– १ गाँजर
– १ टुक्रा अदुवा
– १ टुक्रा दालचिनी
– २ ल्वाङ,
– २ अलैंची,
– २ टेबलचम्चा काजुका टुक्रा
सबै सामग्री मिलाएर प्रेसर कुकरमा पकाउनुस्
अन्य सामग्री
– १/४ कप फ्रेस क्रिम
– १ चियाचम्चा मकैको पिठो
– १ चियाचम्चा रातो खुर्सानीको धुलो
– २ टेबलचम्चा कसुरी मेथी
– २ टेबलचम्चा हरियो धनियाँ
– १ चियाचम्चा तन्दुरी मसला
– १ चुट्की अरेन्ज-रेड फुड कलर
– नुन स्वादअनुसार
कसरी बनाउने ?
– मेरिनेसनको सामग्री मिलाएर पनिर, टमाटर, प्याज र भेडे खुर्सानीलाई मेरिनेट गरेर २० मिनटसम्म राख्नुपर्छ ।
– त्यसलाई ओभनमा दुई सय ५० डिग्रीमा २० मिनटसम्म बेक गर्नुपर्छ ।
– प्रेसर कुकरमा पकाइएको सामग्रीलाई पिस्नुपर्छ ।
– यसमा अन्य सामग्री मिलाउनुपर्छ ।
– एउटा कराहीमा बटर पगालेर ग्रेभीवाला मिश्रणलाई हाल्नुस् र २-३ मिनटसम्म भुट्नुपर्छ ।
– गि्रल गरिएको पनिर टिक्का मिलाउनुपर्छ ।
– क्रिम र हरियो धनियाले सजाएर सर्भ गर्नुपर्छ ।
तयारी पनिर टिक्कालाई सेलरोटी, दालभातसँग खान सकिन्छ ।
