हेर्दा धनियाँ जस्तै देखिने बहुगुणी वनस्पती हो, पार्सले । यसलाई जडिबुटीकै श्रेणीमा राखिएको छ । हामी हरेक छाक खानेकुरामा यसलाई मिश्रण गर्न सक्छौ । किनभने यसको खास काम खानाको स्वाद बढाउने हो । तर, यसको औषधीय महत्व पनि कम छैन ।
पार्सले मध्य पूर्व, युरोप र अमेरिकामा खानाको स्वाद बढाउने प्रयोग हुने गर्दछ ।
भिटामिन ‘सी’, भिटामिन ‘ए’, ‘ बी १२’ ‘के’,ले भरिपूर्ण पार्सले स्वास्थ्यका लागि निकै फाइदाजनक मानिन्छ । यसमा फोलेट, क्याल्सियम, आइरन, केरोटिन, अमिनो एसिड, फ्याटी एसिड तथा फाइबर पनि पर्याप्त मात्रामा पाइन्छ ।
पार्सलेको सेवन फोक्सो,पेट, व्लाडर तथा कलेजोको लागि राम्रो मानिन्छ ।
पार्सलेलाई सुप, सलाद, तथा खानको स्वाद बढाउनका लागि पनि प्रयोग गर्न सकिन्छ । यसको सेवन गर्भवती महिलाहरुका लागि भने त्यती लाभदायक मानिदैन ।
प्रतिरोधी क्षमता बलियो बनाउँछ
पार्सलेमा भिटामिन सी, बी १२, के र ए हुन्छ । यसको मतलव के हो भने यसले शरीरको प्रतिरक्षा प्रणाली मजबुत बनाउँछ र दिमागको नशालाई शान्त राख्छ ।
मिर्गौलाका लागि फाइदाजनक
यसले शरीरबाट अत्याधिक तरल पर्दाथलाई शरीरबाट बाहिर निकालेर मिर्गौलालाई स्वस्थ राख्न मद्दत गर्छ । पार्सलेमा अक्सालेट्स नामक तत्व हुन्छ, जसले मिर्गौला तथा गल व्लाडरको समस्या भएकाहरुलाई समेत समस्या पैदा गर्न सक्छ ।
उच्च रक्तचाप नियन्त्रित हुन्छ
नियमित रुपमा पार्सलेको सेवन गरेमा व्लड प्रेशर नियन्त्रित रहन्छ । यसमा रहेको फोलिक एसिड मुटुको लागि पनि फाइदाजनक मानिन्छ ।
कपाल र्झन कम गर्छ
पार्सले द्धारा तयार पारिएको तेल कपालमा लगाउनाले कपाल र्झन बन्द हुन्छ ।
जोर्नीको दुखाई कम गर्छ
यस जडिबुटीमा जोर्नीको दुखाई कम गर्ने तथा इन्फ्लेमेसन कम गर्ने गुण हुन्छ । यसको नियमित सेवनले दुखाई कम गर्न मद्दत मिल्छ ।
क्यान्सर
विभिन्न अध्ययनहरुले जनाए अनुसार पार्सलेको तेल प्रयोग गर्नाले क्यान्सर पैदा गर्ने कोशिका नष्ट हुन्छ । त्यसैले, यसलाई क्यान्सर निको पार्ने आहारको रुपमा सेवन गर्न पनि सल्लाह दिइने गरिन्छ ।
पेटको लागि राम्रो
पार्सलेको चिया पिउनाले पेटको समस्या कम हुन्छ । यसले भोजन पचाउन समेत मद्दत गर्छ ।
संक्रमणबाट बचाउँछ
पार्सले भिटामिन ‘ए’को राम्रो स्रोत हो । यसको सेवनले भिटामिन ‘ए’ को कमीका कारण लाग्ने विभिन्न रोगबाट बच्न सकिन्छ ।
आन्द्राको क्यान्सरको जोखिम घटाउँछ
पार्सलेमा रहेको माइसिरस्टिसिनले चूरोटको धुवाँमा रहेको क्यान्सर पैदा गर्ने बैंजोपायरीनलाई प्रभावहीन बनाउँछ । जसले ठूलो आन्द्रा तथा प्रोस्टेट ग्लाण्डको क्यान्सरको खतरामा उल्लेख्य रुपमा कमी आउँछ ।
हड्डी मजबूत बनाउँछ
पार्सलेमा विटामिन ‘के’ हुन्छ , जुन अस्टियोक्याल्सियमको संश्लेषणको लागि आवश्यक छ । यसको अतिरिक्त, भिटामिन ‘के’ले टिस्यूमा क्याल्सियम जम्नबाट रोक्छ र स्ट्रोक, आर्थोस्क्लेलेरोसिस तथा रक्तसंचरण प्रणाली सम्बन्धि अन्य रोगबाट बचाउँछ ।
मुखको दुर्गन्ध हटाउँछ
भनिन्छ, पार्सले चपाउनाले, दुर्गन्धित मुखलाई ताजा बनाउन सकिन्छ ।
