१३ कात्तिक, काठमाडौं । नेपाल आयल निगमका कार्यकारी निर्देशक गोपालबहादुर खड्का आपूर्ति मन्त्रालय तानिएका छन् । सोमबार आपूर्तिमन्त्री जयन्त चन्दले खड्कालाई मन्त्रालय तान्ने निर्णय गरेका हुन् ।
उनलाई मन्त्रालयमा हाजिर गराउन औपचारिक पत्रसमेत पठाइसकिएको मन्त्रालयका प्रवक्ता मुकुन्द पौडेलले जानकारी दिए ।
इन्धन भण्डारणका लागि जग्गा खरिद गर्दा अनियमितता गरेको आरोप लागेपछि उनलाई मन्त्रालय तानिएको हो । उनी पुनः निगम फर्कंदा थप क्षति हुन सक्ने बताउँदै मन्त्रालय तान्न निर्वाचन आयोगसँग अनुमति मागिएको थियो ।
गत ३१ असोजमा निर्वाचन आयोगले पनि उनलाई मन्त्रालय तान्न अनुमति दिएको थियो । आयोगको अनुमतिसँगै आपूर्ति सचिव कृष्णप्रसाद देवकोटाले उनलाई मन्त्रालयमा हाजिर गराउने निर्णय गरेका थिए ।
जग्गा खरिदमा अनियमितता गरेको बताउँदै गत २ असोजमा सरकारले खड्कालाई निगम कार्यकारी निर्देशकबाट बर्खास्त गरेको थियो । तर, सर्वोच्च अदालतले गत २२ असोजमा बर्खास्तीको निर्णय कार्यान्वयन नगर्न अन्तिरिम आदेश दिएपछि उनी निगम फर्किएका थिए ।
निगमको जग्गा खरिद प्रकरणबारे हाल अख्तियार दुरुपयोग अनुसन्धान आयोगले अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4